Хүүхэд худалдаалдаг томоохон бүлэглэлийг илрүүлэв

 БНХАУ-ын цагдаагийн байгууллага Шандон мужид байрлах
хүний наймааны маш том, нууц бүлэглэлийг илрүүлсэн байна. Гэмт этгээдүүд жирэмсэн эмэгтэйчүүдийг хүүхдээ зарахыг ятгаж, улмаар тэднийг

СУРТАЛЧИЛГАА АЛГАСАХ

15 СЕКУНТ ХҮЛЭЭ

нууц байрандаа төрүүлдэг  байжээ.

Хууль сахиулагчид Тайян, Цүфу, Жининь мужуудад нууцлагдмал газарт байрлаж, жирэмсэн эмэгтэйчүүдийн хүүхдийг худалдан авдаг этгээдүүдийг илрүүлсэн аж. Цагдаа нар хүүхэд худалдаалдаг 103 этгээдийг баривчилж, 37 нярай хүүхдийн амийг аварсан тухай BBC агентлаг уламжиллаа.

Гэмт этгээдүүд Шандон мужид нууц газарт байрладаг бөгөөд нярай хүүхдүүдийг бэлэн гоймон, муудсан ногоо, хоолны үлдэгдлээр хооллож байсан нь тогтоогджээ. Эмч нар тэдний худалдаалж байсан хүүхдүүдийг эрүүл бус, бэлгийн замын халдварт өвчтэй байгааг тогтоосон байна. Эмэгтэйчүүд хүний наймаачдын нууц байранд хүүхдээ төрүүлээд эмчилгээ хийлгэлгүй явдаг байжээ. 

Хятадын цагдаагийн байгууллага хүүхэд хулгайлах, худалдаалах гэмт хэрэгтэй тэмцэж байхдаа Шандон мужаас илрүүлсэн хүний наймааны гэмт хэрэгтнүүд шиг томоохон бүлэглэлтэй таарч байгаагүй тухайгаа хэлсэн юм. Тус улсын хуулиар 3 ба түүнээс дээш хүүхэд худалдаалвал ялын дээд хэмжээ оногдуулдаг.

Э.Жаргал

Эх сурвалж: time.mn