Б.БАРС
Францын гэрэл зурагчин бүсгүй Люсил Шомбар де Люв нүүдэлчин монголчууд хотод суурьшин шинэ амьдралдаа хэрхэн зохицож буйг харуулсан цуврал фото зургийн үзэсгэлэн гаргажээ. Тэрээр
“Features shoot”сэтгүүлд ийм ярилцлага өгсөн байна.-Та энэ үзэсгэлэнгийнхээ санааг яаж олсон бэ?
-Би анх 2007 онд Монголд очиж байлаа. Тус улсад хотжилт ямар эрчимтэй явж буйг хараад гайхсан юм. Монголын хотуудын хүн амын тавиас илүү хувь нь нүүдэлчдийн уламжлалт гэрт амьдардаг нь
мөн сонирхол татсан л даа. Тэгээд би Монголд өрнөж буй хотжилтыг илүү ойроос харахын тулд дахин өвлийн улиралд ирэхээр шийдсэн. Учир нь Монголд өвөл их хүйтэн бөгөөд энэ улиралд монгол гэр бүл яаж амьдардгийг мэдэхийг хүссэн юм. Үзэсгэлэнгээрээ хүмүүс хэрхэн шинэ амьдралд хэрхэн дасан зохицож байгааг, Монголын нийгэм хэрхэн хувьсан өөрчлөгдөж байгааг дүрслэхийг эрмэлзсэн.
-Монголд байхдаа юунд хамгийн ихээр гайхширсан бэ?
-Эхэндээ ч бүх юманд л гайхширч байлаа. Миний өөрийн дассанаас огт өөр амьдралын хэв маягт орохоор арга ч үгүй биз. Харин хүмүүс дасан зохицох чадвар ихтэйг мэдрээд үнэхээр сэтгэлээсээ татагдсан шүү.
-Хүмүүсийн гэрт нь нэвтрэх хэцүү байв уу?
-Харин ч хүмүүсийн гэрт орох дэндүү хялбар байсан нь намайг гайхшруулсан юм. Монголчууд гадныханд үнэхээр зочломтгой тул аль ч айлын хаалга надад нээлттэй байлаа. Миний нэгэн найзын эмээ нь надад, “Бидэнтэй уулзах гэж хол зам туулж ирсэнд талархлаа” гэж билээ.
-Хотод шинээр суурьшигчид ямар ажил хийдэг юм бол?
-Ажил олж хийнэ гэдэг хотод амьдрахын гол асуудал, бас хүндрэл нь. Үнэндээ ажлын олдоц муу юм билээ. Хотын хүн ам огцом нэмэгдсэнээр ажлын байрны хүрэлцээ дутагдан ядуурал, архидалт, ганцаардал зэргийг дагуулж байна. Гэхдээ өнөө үед Монголд гадаадын хөрөнгө оруулалтаар олон уурхай нээгдэх болсон. Иймд олон хүн уул уурхайд ажиллан амьжиргаагаа залгуулж явна.
-Та Монголын нийгэм дэх өөрчлөлт зах зээлийн эдийн засгаас гадна цаг агаарын хүндрэлтэй холбоотой гэж нэгэнтээ хэлсэн. Үнэхээр тийм үү?
-Энэ оронд зарим өвөл хасах 60 градус хүртэл хүйтэрдэг. Цаасаар шуурах нь ч элбэг бөгөөд жилээс жилд цасан шуурганы эрч хүч нэмэгдэж байгаа гэсэн. Ийм нөхцөл байдалд малчид гол амьжиргаа нь болсон мал сүргээ алдахад хүрдэг. Малгүй болсон тэд хот бараадахаас өөр яах билээ.
Эх сурвалж: www.polit.mn
0 comments:
Speak up your mind
Tell us what you're thinking... !