Орбитын эцэст байрлах байшинд хоргодсон хөгшин эмээгийн сүнс

Би өөрт тохиолдсон нэгэн явдлыг оруулмаар санагдлаа. Энэ явдал 2009 оны зун болсон юм. Орбитын эцэст нэг эгчийндээ амарч байлаа. Тэр хавийн айлууд ихэнх нь байшинд амьдардаг юм. Хажуугийн хашаанд хэн ч харсан жихүүцмээр саарал өнгөтэй байшин байдаг байсан юм. Тэр байшинд хэн ч амьдардаггүй гэж ойр хавийнхан хэлдэг ч хааяа шөнө дунд гадаа гарах үед гэрэл нь асаалттай дотор нь хүн юм ярьж байдаг байлаа. Эхэндээ

МЭДЭЭГ ЦААШ НЬ УНШИХ

15 СЕКУНТ ХҮЛЭЭ

сүнс чөтгөр гэж огт боддоггүй байлаа. Тэгсэн нэг өдөр өдөржингөө хашааны гадаа хүүхдүүдтэй хөл бөмбөг тоглочихоод үдшийн бүрийд хашаандаа ганцаараа бөмбөгөө өшиглөж байгаад өнөөх хажуу айлын хашаа руу бөмбөгөө оруулчихсан юм. Эхлээд шууд ороод авчихая гэж бодсон ч зориг хүрэлгүй гэртээ орсон юм. Гэхдээ миний хайртай бөмбөг байсан болохоор авахаар шийдэн эхлээд хашааны үүдэнд нь очин банзны завсараар харав. Хашаан дотор хоёр хүн чанга чанга инээн сууж байх юм. Тэгэхээр нь “Ах аа бөмбөг аваад өгөөч” гээд орилчихсон чинь улаан нүдэн дээр минь алга болчихсон гээд боддоо. Би айхаасаа илүү гайхаж билээ.

Тэгээд шууд хашаа руу нь гүйж ороод бөмбөгөө аваад гарч явахдаа арагш хартал байшингийн хаалган дээр нэг эмээ хоолны халбага долоогоод зогсож байсан. Урагш хараад яг хашааны хаалгаар гарах гэтэл зам дээр нөгөө эмээ бас харагдсан. Миний хамаг бие салгалаад гэр лүүгээ хар эрчээрээ гүйж ороод эгчдээ хэлтэл эгч маань намайг “Битгий дэмий юм яриад бай” гэх зэргээр загинав. Маргааш өдөр нь нэг найзтайгаа үнэхээр тэр байшинд хүн байдаг үгүйг нь шалгахаар ороход тэр хашаанд хүн битгий хэл нохой ч ордоггүй нь илт байв. Өвс, шарилж битүү ургачихсан тэр бүү хэл байшингийн хаалга цонх нь банзаар дараатай байсан юм. Хамгийн захын цонхны банзыг хуулаад цаана нь байсан нимгэн панаарыг чулуугаад цоолоод харахад өдрийн гэрэлд тэр байшин дотор хүнд содон юу ч харагдаагүй. Тэгсэн атлаа үдэш бүрэнхий болохоор гэрэл нь асч хүмүүс шуугилдаад эхэлдэг. Уг нь тэр байшинд гэрэл нэвтрэхээр шилэн цонх ч байхгүй. Дээврийн цоорхойгоор л өдрийн гэрэл нэвтэрнэ. Өнгө нь хүртэл тэр зивүүн байшинг өнгөрсөн жил зорьж очоод үзэхэд яг л хэвээрээ байж байна лээ. Харин миний банзыг нь хуулсан цүнх бүтэн болчихсон байсан нь их сонин.